«Астана Балет» театрында Наталия Сац атындағы театрдың 80 жылдығы аталып өтті

«Астана Балет» театрында Наталия Сац атындағы балалар және жасөспірімдер театрының 80 жылдығы аталып өтті. Іс-шарада Мемлекет басшысының жарлығымен бірқатар театр қызметкері мемлекеттік наградалармен марапатталды. «Парасат», «Құрмет» ордендері мен «Ерен еңбегі үшін» және «Шапағат» медалі табыс етілді. Президенттің құттықтау хатын Мәдениет және ақпарат министрі Аида Балаева оқып берді. Айта кетсек, қазір театр ұжымы барлық өңірді аралап, гастрольдік сапарда жүр. "Мақсат - қазақ драма мектебін, өнерін дәріптеп, балалардың бойында рухани құндылықтарды қалыптастыру" дейді мәдениет қайраткерлері.