Мемлекеттік аудиторлар жалпы құны 32 триллион теңге болатын 18 ірі тексеру жүргізді

Мемлекеттік аудиторлар жалпы құны 32 триллион теңге болатын 18 ірі тексеру жүргізді. Көрсеткіш былтырғымен салыстырғанда 22,8 триллион теңгеге көп. Нәтижесінде мемлекет пайдасына 112 миллиард теңге өндірілді. Бұл туралы Мемлекет басшысының қабылдауында болған Жоғары аудиторлық палатаның төрағасы Әлихан Смайылов баяндады. Ведомство келер жылы 40-қа жуық аудиторлық тексеріс жүргізуді жоспарлап отыр. Кездесу соңында Қасым-Жомарт Тоқаев мемлекеттік аудитті жетілдіру бойынша бірқатар нақты тапсырма берді.