Елімізде 200 мыңнан астам адам IT саласында жұмыс істеп жатыр

Бүгін - цифрландыру және ақпараттық технологиялар күні. Бұл тұтас еліміз үшін аса маңызды саланың бірі. Себебі, бүгінде мемлекеттік қызметтердің 90 пайыздан астамы онлайн форматта көрсетіледі. eGov, Smart Data Ukimet, Digital ID және Alem.AI платформалары күн сайын мыңдаған мамандардың жұмысын қамтамасыз етіп, қызметтерді ыңғайлы, қолжетімді және қауіпсіз етіп жатыр. Жалпы, Қазақстанда IT саласында 200 мыңнан астам адам еңбек етеді екен. Соның ішінде 20 мыңы – жасанды интеллект саласының мамандары. Бұл туралы Жасанды интеллект және цифрлық даму министрлігі бүгін ақпарат таратты. Олар алдағы бес жыл ішінде 1 миллион азаматқа жасанды интеллект дағдыларын үйретуді көздеп отыр.