Қазақстан прагматикалық және тәуелсіз сыртқы саяси бағытты ұстанып отыр

Американың беделді The Washington post газеті «Қазақстанның Ибрахим келісімдеріне қосылу жолы» атты мақала жариялады. Мақала авторы Президент Қасым-Жомарт Тоқаевпен жүргізген сұхбатқа тоқталады. Мемлекет басшысының прагматикалық саясат жүргізіп отырғанын атап өткен. Сонымен бірге АҚШ-пен жасалған құны 17 млрд доллардан астам келісім жайы да қозғалған. Қазақстанның сыртқы саясаттағы рөліне ерекше тоқтала кеткен. Материал авторы еліміздің Әзербайжан мен Арменияны татуластыруға қосқан үлесіне де назар аударады. The Washington Post Қазақстанның тәуелсіз сыртқы саяси бағытты ұстанып отырғанын жазған.