Сирияның уақытша президенті Трамппен кездесті

АҚШ президенті Дональд Трамп Ақ үйде Сирияның уақытша президенті Ахмед әш-Шарамен кездесті. Әлем басылымдары Сирия басшысының бұл сапарын тарихи деп атады. Бұған дейін Сирияның бір де бір президенті Құрама Штаттарға ресми сапармен бармаған. Кездесуден кейін екі ел басшысы бірлескен мәлімдеме жасаған жоқ. Кейінірек Сирия өтпелі үкіметінің ақпарат министрлігі Дамаск «Даиш» тобына қарсы АҚШ басқаратын халықаралық коалицияға қосылғанын мәлімдеді және бұл келісімнің әскери емес, саяси сипатта екені айтылды.