Николя Саркози түрмеден шықты

Париж соты Николя Саркозиді мерзімінен бұрын түрмеден босату туралы шешім қабылдады. Экс-президент аппеляциялық шағымы қарастырылғанға дейін еркіндікте болады. Оған Франциядан шығуға, куәгерлермен және Әділет министрлігінің шенеуніктерімен сөйлесуге тыйым салынды. Саркози түрмеде 20 күн отырды. Оны шығаруға әйелі Карла Бруни келген. Ерлі-зайыпты жұп полиция кортежімен Париждің 16-шы округындағы үйіне барды. Экс-президент сайлау науқанына қаржы тарту үшін Ливияның бұрынғы басшысы Муаммар Каддафиден миллион еуро алу ісі бойынша қылмыстық топқа қатысы бар деп танылған еді. Сол үшін сот Саркозиді 5 жылға бас бостандығынан айыру туралы үкім шығарған.