Елімізде 100 тоннаға жуық алтыны бар 5 жаңа кен орны табылды

Қазақтанда қойнауында 100 тоннаға жуық алтыны бар 5 жаңа кен орны табылып, есепке алынды. Бұл туралы бүгін Үкімет отырысында Өнеркәсіп және құрылыс вице-министрі айтты. Оның сөзінше, геологиялық барлау қорытындылары бойынша алтын қоры 98 тонна, мыс қоры 36 мың тонна, марганец 11 миллион тонна және фосфорит қоры 1,3 миллион тоннаға артқан. Бүгінде Қазақстанда шамамен 10 мың кен орны мен 103 түрлі пайдалы қазба түрі есепке алынды. Алдағы 2 жылда геологтар жаңа кен орындарын анықтау үшін 100 мың шаршы шақырым жер қойнауын зерттеуді жоспарлап отыр.