Цифрлық қолтаңба: Биометриялық әдістер енгізіледі

Елімізде интернет пен электронды қызметтерде «цифрлық растау» тәсілі жеңілдетіледі. Бұл туралы жаңа заң жобасын таныстырған депутат Екатерина Смышляева хабарлады. Бүгінде шамамен 1300-ден астам мемлекеттік қызметтер онлайн форматта көрсетіледі. Осыған дейін электронды цифрлық қолтаңба тек ресми құжаттарға қол қоюдың заңды құралы болған. Енді азаматтар интернетте өздерін растау үшін саусақ ізі, бет бейнесі, дауыс сияқты биометриялық әдістерді қолдана алады.  Цифрлық кодекс бүгін Мәжілісте бірінші оқылымда мақұлданды. Депутаттар жеке деректердің таралмауын басты назар аударылатынын айтты.

Үнзила Шапақ, Мәжіліс депутаты:

Мемлекеттік цифрлық платформадағы цифрлық үкімет онлайн қызмет пайдаланушылар үшін түсінікті және қолжетімді болуымен қатар азаматтардың құқықтары мен мүдделері құқықтық қорғалған болуға тиіс. Осыған орай азаматтардың құқықтарын, бостандықтары мен мүдделерін қорғайтын тетіктерді жеткіліктілігі тұрғысынан ұлттық заңнамаға талдау жүргізу нәтижесінде заңдардағы нормалар жүйеленген.