Сарапшы: Президент сапары стратегиялық маңызға ие

Бүгінге дейін Қазақстан мен Ресей арасында 250-ге жуық маңызды құжатқа қол қойылған. Екі елдің сауда айналымы да жыл сайын өсуде. Президент Қасым-Жомарт Тоқаевтың Ресейге мемлекеттік сапары әріптестіктің көкжиегін кеңейтеді. Себебі бұл сапар аясында да стратегиялық құжаттарға қол қойылады деп күтілуде. Ресейлік сарапшылардың пікірі осыған саяды.

Сергей Калашников, Ресей мен Қазақстан достық қоғамының басшысы:

Қазақстан Президентінің Ресейге бұл сапарының орны бөлек. Себебі осыған дейін де екі тарап достықтың берік үлгісін көрсетіп келді. Ал Қасым-Жомарт Тоқаевтың мемлекеттік сапары ынтымақты бекіте түспек. Көлік, энергетика саласында әріптестік артады. Соңғы уақытта Қазақстанның Орталық Азия елдері ішінде абыройы арта түскені сөзсіз.