Рудныйда қоқыс өңдейтін кәсіпорын іске қосылды

Рудныйда қоқысты сұрыптап, қайта өңдейтін кәсіпорын іске қосылды. Жаңа жоба «Таза Қазақстан» жалпыұлттық тұжырымдамасының аясында жүзеге асып отыр. Зауыт жылына 80 мың тоннаға жуық қатты тұрмыстық және құрылыс қалдықтарын қабылдауға қауқарлы. Мұнда макулатура, картон, пластик пен шыны, метал сынды материалдардан қайта өңдеп шығарады. Сондай-ақ кәсіпорын тұрғындарды 30 шақты жаңа жұмыс орнымен қамтымақ.