Қазақстан мен Түрікменстан қылмысқа қарсы әріптестікті нығайтады

Қазақстан мен Түрікменстан қылмысқа қарсы әріптестікті нығайтады. Бүгін Сенат тиісті заңды мақұлдады. Енді екі елдің бірінде есірткі, қару-жарақ, жемқорлық және адам саудасына қатысты заңға қайшы әрекет анықталса, құқық қорғау органдары өзара ақпарат алмасып отырады. Құжатта азаматтардың жеке деректерінің таралып кетпеуін қамтамасыз ету жайлы нормалар да қарастырылған.

Айта кетейік, бүгінде Қазақстан Болгария, Мажарстан, Франция, Қытай және тағы оннан аса елмен осындай келісімге отырған.