Павлодарда 4300 адам құжатсыз жүрген

Павлодарда 4 мың 300-ге жуық адамның жеке басын куәландыратын құжаты жоқ екені анықталды. Олардың кейбірі еш жерде тіркелмеген. Ал басқаларының арасында құжатын жоғалтқан, енді бірі жарамдылық мерзімі өтіп кеткеніне мән бермегендер де бар. Заң бұзғандарға айыппұл салынды.

Қанат Сартов, Көші-қон қызметі басқармасының бастығы:

Мысалы 26 жастағы қала тұрғыны 2024 жылдың тамыз айында тұрмысқа шығып, күйеуінің тегін алған, бірақ жеке куәлігін ауыстыруды ұмытып кеттім дейді. Құжатының жарамсыз екенін халыққа қызмет көрсету орталығына барғанда ғана білген. Осылайша 4 мыңнан аса адам әкімшілік жазаға тартылды.