Астанада «101» мен «112» қызметтері біріктірілді

Астанада алғаш рет «101» және «112» қызметтерін біріктірген бірыңғай ден қою жүйесі іске қосылды. Операторлық орталық адамның қай жерден қоңырау шалғанын анықтауға және әрбір шағымға жедел әрі кәсіби жауап беруге мүмкіндік береді. Онда заманауи цифрлық байланыс құралдары мен қалалық «Сергек» бейнебақылау жүйесі орнатылған. Мұндай модель еліміздің барлық өңіріне кезең-кезеңімен енгізілмек. Айта кетсек, жыл сайын «112» диспетчерлері елорда тұрғындарынан шамамен 750 мың қоңырау қабылдайды. Жаңа жүйе бойынша екі желі де жұмыс істей береді.