Ертең Қазақстан мен Бельгия ойнайды

Қазақстан ұлттық құрамасы футболдан 2026 жылғы Әлем чемпионатына іріктеу аясында Бельгиямен кездеседі. Қарсылас команда ойыншылары бүгін түнде Астанаға келді. Бельгия құрамасындағы Кевин де Брюйне, Лукаку және қақпашы Тибо Куртуа сынды танымал ойыншылар мачқа қатыса алмайды. Сарапшылар кездесу тартысты болады деген болжам айтып отыр. Өйткені Байсуфинов шәкірттері барын салады, ал Бельгия осы ойында жеңіске жетсе, Әлем чемпионатына мерзімінен бұрын жолдама алады.

Еске салсақ, ойын ертең «Астана арена» стадионында 19:00-де басталады. Ойынды «Qazsport» телеарнасы тікелей эфирде көрсетеді. Ал қала әкімдігі жанкүйерлер үшін қоғамдық көлік ұйымдастырмақ.