Сауда ойын-сауық орталықтарында қауіпсіздік күшейеді

Бұдан былай сауда ойын-сауық орталықтары портативті және стационарлық металл іздегіштермен жабдықталуы мүмкін. Сондай-ақ орталық міндетті түрде күзет қызметін көрсетуге лицензиясы бар ұйымдармен шарт жасасуы тиіс. Сауда және интеграция министрлігі, бұл талап терроризмге қарсы күресті күшейтуге бағытталған шара деп түсіндіреді. Ұсынылған өзгеріске сәйкес, жалпы алаңы 10 000 шаршы метрден асатын ірі сауда-ойын-сауық орталықтары күзетпен және жоғарыда аталған қондырғылармен жабдықталуы қажет. Қазір бұл жоба «Ашық үкімет» порталында қоғамдық талқылауға шығарылған.