«Хамас» Газа секторын бақылауға ала бастады

«Хамас» Газа секторын біртіндеп бақылауға ала бастады. «Рейтердің» дерегіне сай қарулы топ Израиль әскері кеткен аудандарды қайта нысанаға алған. Бұған қоса ондаған палестиналықты Израильмен ынтымақтасу, ұрлау және тағы басқа қылмыстарға айыптап, өлтірген. Жергілікті тұрғындар болса, «Хамас» отын тәрізді жекелеген тауарлар үшін салық жинауға, баға өсіруге көшкенін мәлімдеді. Алайда қарулы топ алым жинағанын жоққа шығарып отыр. Халықаралық қауымдастық «Хамастың» қару тастап, үкіметтен шығуын қалайды. Бірақ олардың орнын кім басатыны белгісіз. Сектордың болашақ әкімшілігіне қатысты келісім жасау мүмкін болмай отыр.