Білім басқармасы: Оқушылар онлайн оқуға көшкен жоқ

Желіде жұқпалы ауруалардың өршуіне байланысты Астана мектептері карантинге жабылады деген ақпарат тарап жатыр. Ата-аналар чаттарында «бетперде тағу міндеттелді» деген хабарлама да көп. Осыған байланысты білім басқармасына сауал жолдаған едік.

Аяжан Амантайқызы, қалалық Білім басқармасының баспасөз хатшысы:

Әлеуметтік желіде мектептерде бетперде тағу режимі енгізілді деп жатыр. Бұл әрине қате ақпарат. Бүгінгі таңда Астана қаласының ешбір мектебінде білім беру тоқтатылған жоқ. Оқушылар штаттық түрде мектептерде білім алып жатыр. Оқушылардың вируспен, тұмаумен ауырғандардың саны 30 пайыздан асқанда ғана қашықтықтан оқуға көшеді. Қазір ешбір сыныпта ауырып жатқандардың үлесі 20 пайыздан асқан жоқ.