Қырғызстан жарықты үнемдеуге көшті

Көрші ел Қырғызстан Министрлер кабинетінің төраға орынбасары «Электр энергиясын үнемдейік!» - деген үндеу жасады. Қамчыбек Ташиев мемлекеттік мекемелер мен кәсіпорын басшыларына «Елімізде жоспарлы жарық өшіру болмайды. Ресурстар жеткілікті. Бірақ биыл су деңгейі төмен, соған байланысты электр энергиясын өндіру азайды», - деді.

Сондай-ақ кейбір арандатушылар жөндеу жұмыстары кезінде болған уақытша жарық сөндірулерді видеоға түсіріп, жалған ақпарат таратып жатқанын айтты. Қырғызстан халқы биыл электр энергиясы тапшылығын сезіп отыр. Қуат лимиті 3 кВт-қа дейін деп енгізілді. Сонымен қатар, кешкі сағат алтыдан кейін мемлекеттік және әкімшілік ғимараттарда сыртқы жарықтандыруға тыйым салынған.