Бүгін – Ұлттық валюта күні

Бүгін – Ұлттық валюта күні. 1993 жылғы 12 қарашада «Қазақстан Республикасының ұлттық валютасын енгізу туралы» Жарлыққа қол қойылды. Ал 15 қарашадан бастап теңге еліміздегі жаңа төлем бірлігіне айналды. Ұлттық валютаны «теңге» деп атау идеясын белгілі ғалым Сауық Тәкежанов ұсынған. Бастапқыда, теңге алғаш айналымға енгенде, 1 АҚШ доллары 4,75 теңге болды. Қазақ теңгесі бірнеше мәрте халықаралық аренада үздік банкнота деп танылды. Бүгінде теңге – Қазақстан тәуелсіздігінің, экономикалық егемендігінің көрінісі. Жыл сайын атап өтілетін Ұлттық валюта күні – осының айқын дәлелі.