Трамп Ресеймен сауда жасайтын елдерге санкция жариялауды қолдады

АҚШ президенті Дональд Трамп Ресеймен сауда жасайтын елдерге қатаң санкция жариялауды құптайтынын мәлімдеді. Ақ үй басшысы мұны Линдси Грэм мен Ричард Блюмантель есімді сенаторлардың сәуірде ұсынған заң жобасына қатысты айтып тұр. Заң шығарушылар Ресейден мұнай, газ, уран сатып алатын елдерге 500 пайыз баж салығын жариялауды көздейді. Сенаторлар құжатты жазда қабылдамақ болды. Алайда Трамп Ресей мен Украина арасындағы қақтығысты реттейтінін айтып, заң жобасын кейінге қалдырған еді.

Дональд Трамп, АҚШ президенті:

Иә, олар заң жобасын ұсынып жатыр. Мен оны құптаймын. Ресеймен сауда жасайтын кез келген елге қатаң санкция жарияланады. Бұл тізімге Иранды да қосуы мүмкін.