Елде несие шарттарын қайта қарауға өтінім бере аласыз

Елдегі әрбір екінші тұрғынның несиесі бар. Ал 1,5 миллион адамның шоты қарызын төлемегені үшін бұғатталған. Несиені уақытылы төлей алмаған жағдайда не істеу керек? Ережеге сәйкес, тұрғын 30 күн ішінде банкке не микроқаржы ұйымына несие шарттарын қайта қарау жайлы өтінім жаза алады. Онда төлемнің не себепті кешіктірілгені және несиені өтеудің жаңа кестесін жасақтауды сұрау керек. Банк өтінімді 15 күнде қарап, жағдайды қалай реттеуге болатыны жайлы ұсыныс айтуы тиіс. Егер қаржы ұйымы өтінімді қабылдамаса, омбудсменге жүгінуге болады.