Президент «Жасанды интеллект туралы» заңға қол қойды

Мемлекет басшысы жасанды интеллект туралы заңға қол қойды. Енді адамның келісімінсіз оның эмоциясына, мінез-құлқына жасанды интеллектінің көмегімен талдау жасауға тыйым салынады. Сондай-ақ қоғамдық орындарда біреудің бет-әлпетін тану үшін жасанды интеллектті қолдануға болмайды. ЖИ көмегімен жеке деректерді жинау, талдау енді заңға қайшы әрекет болып саналады. Ал қосымша, бағдарламаларға «Жасанды интеллекттің негізінде жасалды» деген таңба қою міндеттеледі.