Астанада жастар мен мәдениет өкілдері сенбілікке шықты

Астанада «Таза Қазақстан» республикалық акциясы жалғасып жатыр. Эко шара аясында филаромония ұжымы айналадағы мұзды ойып, жүретін жерлерді тазартты. Акцияға еріктілер, студенттер және мәдениет саласының өкілдері қатысты. Қатысушылардың айтуынша, экология тәрбиенің ажырамас бөлігіне айналуы тиіс.

Айтқали Жайымов, Қазақстанның халық әртісі:

Әркім өз елін таза ұстайды. Біздің қаламыз да, даладамыз да таза болуы керек. Сол үшін Еркеғали Рахмадиев атындағы мемлекеттік филармония ұжымы ай сайын осы акцияны өткізіп тұрамыз. Өзіміздің айналамызды, филармонияның айналасындағы көшелерді әрқашан тазалап жүреміз, таза ұстаймыз. Сондықтан баршаңызды осы тазалықты сақтауға, осы акцияға белсенді қатысуға шақырамын.