БҚО-да 2 көлік соқтығысып, 8 адам қаза тапты

Батыс Қазақстан облысында екі жеңіл көлік соқтығысып, 8 адам қаза тапты.

Тағы 4 адам ауруханаға жеткізілді. Жантүршігерлік оқиға Ақжайық ауданының аумағында Чапай-Жаңақала тасжолының бойында болған. Апат кезінде Volkswagen Sharan көлігі түгел өртеніп кеткен. Ал Ақжайық аудандық ауруханасына жеткізілген 4 науқастың да жағдайы орташа деңгейдегі ауырлықта дейді дәрігерлер. Қазір науқастарға тиісті ем-шаралар жасалып жатыр. Оқиға орнында облыс орталығынан барған полиция қызметкерлері, жедел-тергеу тобы және Төтенше жағдайлар департаментінің құтқарушылары жұмыс істеуде.

Ернар Сұлтанғалиев, облыстық Полиция департаменті бастығының орынбасары:                           

Осы факті бойынша қылмыстық іс қозғалды. Алдын ала болжамға сәйкес, бір жүргізуші қарсы бағытқа шығып кеткен болуы мүмкін. Ауа райы және жол жабындысының жағдайы қанағаттанарлық болған: көрініс жақсы, қозғалысқа сыртқы кедергілер болмаған. Жол-көлік оқиғасының барлық жағдайлары тергеу аясында анықталады.