Қаза тапқан 12 адамның денесі табылды

Өрт сөндірушілерге хабарлама таңғы сағат 6 шамасында түскен. Бірден оқиға орнына жеткендерін айтады. Жергілікті төтенше жағдайлар департаменті үйден 12 адамның денесін шығарған. Тағы үш адамды жедел жәрдем бригадасына салып жіберген. Департаменттің дерегінше қаза тапқандар мен зардап шеккендер арасында өрт шыққан үйге қонаққа келген жақындары бар.

Көршілердің айтуынша, алдыңғы күні үй иелері іс-шара өткізген, үйде қонақтар болған. Оқиға орнында барлық қызметтер жұмыс істеп жатыр. Тергеу басталды. Өрттің шығу себептері анықталуда.