Отандастарымыз сурдлимпиаданы сәтті бастады

Токиодағы доданың екінші күні ел құрамасы үшін сәтті болды. Отандасымыз Фаина Мейірманова биіктікке секіруден 1,79 метр нәтижесін тіркеп, чемпион атанды. Сонымен қатар, Фаина Сурдлимпиада ойындарының рекордын жаңартты. Одан кейін  дзюдодан бұрымдылар арасында 70 келіге дейінгі салмақта өнер көрсеткен Әмина Файзулина елімізге тағы бір алтын жүлдені сыйлады. 17 жастағы астаналық ару финалда украиналық дзюдошын сенімді жеңді. Бұл оның ересектер арасындағы ең ірі жеңісі.