Түркістандағы өрт: Барлық жедел қызмет өрттің себебін анықтауға жұмылдырылды

Түркістан облысы Жетісай ауданының Алғабас ауылында барлық жедел қызмет жұмыс істеп жатыр, өрттің шығу себебі анықталуда. Қаза тапқан әулет мүшелерін жерлеу рәсімі өтті. 

Ернұр Уәлихан, тілші:

Таңертең 5:58-де «101» қызметіне түскен хабарламадан кейін өрт сөндірушілер оқиға орнына жеткенше үйдің іші және шатыры толық жанып кеткен. 360 шаршы метр аумақтағы өрт сөндірілді. Аман қалған 2 ересек пен 1 бала аудандық аурухананың жансақтау бөлімінде. Жағдайлары ауыр, бірақ тұрақты. Сондай-ақ бүгін қаза тапқан отбасы мүшелерінің жаназасы шығарылып, жер қойнына тапсырылды. Қазір оқиға орнында төтенше жағдайлар қызметі жұмыс жүргізіп жатыр. Өрттің шығу себебі анықталуда, тергеу әрекеттері жүріп жатыр. Зардап шеккендерге медициналық және психологиялық көмек көрсетілуде.  Оқиғаға қатысты барлық жедел топтың жұмысы жалғасып жатыр. Сонымен қатар бүгін осы жағдайға байланысты аудан әкімдігінде арнайы құрылған штабтың отырысы болды. Төтенше жағдайдың себеп салдары анықталуда. Осы жағдайға байланысты қылмыстық іс қозғалып, тергеу амалдары жүруде. Әзірге бар ақпарат осы.