Абай облысындағы өртенген жерлерге көшеттер егілді

«Таза Қазақстан» экологиялық акциясы шеңберінде «Семей орманы» резерваты мамандары студенттермен кездесті. Онда орманшылар өңірдегі қарағайлы орманды қалыпқа келтіру мен сақтаудың маңыздылығын сөз етті. Екі жыл бұрын резерват аумағында болған алапат өрттен 60 мың гектардан аса қарағайлы алқап күлге айналды. Қазір өртенген орманды қалыпқа келтіру жүріп жатыр. Биыл Семей орманында  6 мың гектарға қарағай көшеттері  отырғызылған.

Айдана Сабыржан, орман өсіру инженері:

Үлкен алапат болған жерді қалпына келтіру жұмыстары басталып кетті. Тәжірибелік мақсатта ерекше блок тәсілі бойынша 13,5 гектар жерге ағаш отырғыздық. Одан кейін Кореядан келген Афоко ұйымымен бірге 10 гектар жерге ашық тамырлы күйде ағаш отырғыздық. Болашақта 2026 жылы 80 гектар жерге, өртенген аумаққа отырғызу жоспарланып отыр.