Жапонияда 170-тен астам үй өртенді

Жапонияның Оита қаласында алапат өрт болды. Тілсіз жау 170-тен астам баспананы шарпыған. 70 жастағы бір қария жоғалып кетті. 200-ге жуық адам қауіпсіз жерге көшірілді. Олар эвакуациялау орталықтарына жеткізілді. От тұтанған ауданда ағаш үйлер мен коммерциялық ғимараттар орналасқан. Өртті сөндіру жұмыстары 12 сағатқа созылды. Жалынмен күреске әскерилерді тарту қарастырылып жатыр.