Зеленский келіссөздерді жаңғырту үшін Түркияға барды

Украина президенті Владимир Зеленский Түркияға барды. Мақсаты - Ресеймен соғысты аяқтау туралы келіссөздерді қайта бастау, тұтқын алмасуды жалғастыру. Бұл келіссөзге Ресей тарапы қатыспайды,- деді кремльдегілер. Дегенмен Мәскеу Анкарадағы келіссөз нәтижесі бойынша АҚШ және Түркиямен талқылау жүргізуге дайын екенін білдірді. Киев пен Мәскеу Түркияда көктемде тікелей келіссөздің бірнеше раундын өткізді. Алайда бұл процесс шілдеден бері тоқтап тұр.