Үкімет жоспары халықтың табысын арттыруға мүмкіндік береді

Жоғары экономикалық өсім мен төмен инфляцияны қатар ұстап тұру – макроэкономикалық тұрақтылықтың негізі. Үкімет ұсынған бүгінгі жоспар толық жүзеге асса, осы екі көрсеткішпен бірге халықтың нақты табысын арттыруға мүмкіндік бар. Құжатпен танысқан экономистер осындай пікір білдіріп отыр.

Ерділда Таутенов, «Экономикалық зерттеулер институты» АҚ басқарма төрағасының орынбасары:

Әр өңірде өзінің спецификасына сай жобалар іске асырылатын болады. Өйткені өсімдік өспейтін жаққа неліктен ауыл шаруашылығын дамыту деген сияқты. Немесе өндірісі дамыған жерге спецификасына сай жобаларды іске асыру өте маңызды. Өйткені бұл жұмсалған қаражаттың жұмсалған күштің тиімділігі деген сұрақты ескеруі керек.

Жәнібек Айғазин, қолданбалы экономикалық зерттеулер орталығының бас директоры:

Ең негізгі екі тұсына тоқталғым келеді. Алғашқысы Ұлттық қордан бөлінетін трансферттің көлеміне шектеу қою. Бұл - өте дұрыс. Оңай жолмен ақша ала алмайтын болсақ басқа жақтан табудың амалын жасаймыз. Екіншісі - халықтың әл-ауқатын көтеру мәселесі құжат бойынша мақсат етілді. Сондықтан оны халық міндетті түрде сезінеді. Болашақта жылына 2-3 пайыз ғана емес, халықтың табысы ел экономикасымен пара-пар өсім көрсетсе дұрыс болар еді.