ТЖМ өрт қауіпсіздігі бойынша жаппай рейд жүргізеді

Түркістан облысы Алғабас ауылында болған қайғылы жағдайдан соң Төтенше жағдайлар министрлігі өңірлік әкімдіктермен бірлесіп, жаппай рейдтер мен тексерулер жүргізбек. Нақтырақ айтсақ, коттедждердің, жатақханалар мен хостелдердің, сондай-ақ пеш жағатын тұрғын үйлердің өрт қауіпсіздігі тексеріледі. Ақау анықталса, шұғыл шара қабылданады.

Елдос Зияда, ҚР ТЖМ өртке қарсы қызмет комитетінің бас маманы:

Бізде өрт қауіпсіздігі саласында тұрғын үйлер тексеріске жатпайды. Бірақ біз рейдтік іс-шаралар кезінде пешті тексеру жұмыстары, қандай да бір ақау болса, нұсқама бере аламыз. Улы газдың түсі, иісі болмайды. Сондықтан адам оны сезбейді. Сондықтан ТЖМ профилактикалық жұмыстар аясында бірінші кезекте әлеуметтік осал топтарға жергілікті атқарушы органдар мен демеушілердің арқасында улы газ датчиктерін орнату бойынша жұмыстар жүргізіледі.