Алматыда «Гонконг» вирусы 13 адамнан анықталды

Алматыда «Гонконг» вирусы 13 адамнан анықталды. Десе де жалпы алғанда қалада тұмау жұқтырғандардың саны қалыпты жағдайдан асқан жоқ. Сондықтан карантин жарияланбайды. Бұл туралы қаланың бас санитариялық дәрігері айтты. Жалпы республикада «Гонконг» тұмауын жұқтырған 578 адам тіркелді. Бірақ мамандар қауіптенудің қажеті жоқ дейді. Өйткені, вирустың бұл түрі Қазақстанда бұрыннан бар, күз-қыс мезгілдерінде үдей түседі.

Айта кетсек, бүгін Астанада тұмаудың өршуіне байланысты қаулы жарияланды. Мұнда бір аптада 23 мың адам тұмау жұқтырған. Ал республика бойынша 183 мың тұрғыннан вирустық инфекция анықталды.