Сот сараптамасына ЖИ қолданылатын болды

Сот сараптамасында істейтін мамандар да енді жасанды интеллект көмегіне жүгінеді. Қазақстанның Тәуелсіз сот сараптамасы альянсы бүгін anse.kz порталын таныстырды. Автоматтандырылған кешен сала жұмысын жеңілдетпек. Бұл туралы Қазақстан сот сараптамасының 75 жылдығына орай өткен Халықаралық форумда айтылды. Жиын «Жасанды интеллект дәуіріндегі сот сараптамасының болашағы» деп аталады. Шараға Ресей, Қырғызстан, Грузия, Тәжікстан, Румыния, Үндістан  мен Түркиядан келген ғылыми қауымдастық өкілдері, сот сарапшылары қатысты.

Мен автокөліктерге жасалатын кибершабуылдар туралы баяндама жасаймын. Тәжірибемде болған осындай жағдайларға қатысты зерттеуімді ұсынамын. Жалпы сот сараптамасы саласы біздің Түркияда да, Қазақстанда да қарқынды дамып келеді. Бірі озық, бірі кем деп айта алмаймын. Десе де тәжірибе алмасу бәрімізге пайдалы. Әсіресе жасанды интеллектпен жұмыс қазір аса қажет.

Еуразия Ұлттық Университетімен бірлесіп, біз әртүрлі елдерден келген сарапшылармен жаңа тәсілдерді талқылау, тәжірибелерімен бөлісу, сот сараптама ғылымының болашағына технология тұрғысынан жаңа кеңістік аштық. Осы жылдан бастап ЖИ бойынша жаңа құрал дайындадық, авторлық құқық алдық. Жасанды интеллект абстрактлы нәрсе емес, ол сот сараптама зерттеуінің сапасын жаңа деңгейге көтеретін құрал болады.