Бразилияда СОР 30 конференциясы кезінде өрт тұтанды

Бразилияның Белем қаласында климаттық конференция кезінде алапат өрт тұтанды. Оқиға орнында үрей пен қарбалас басталған. Жиынға барған мыңдаған делегат қауіпсіз жерге көшірілді. Адамдар аман. Жалын саммит өтіп жатқан павильондардың бірінде басталған. Әзірге өрттің неден тұтанғаны белгісіз. Кейбір мәліметтерге сай, оған электр тоғының ақауы себеп болса керек. Өрт шыққан сәтте саммит қатысушылары климаттың өзгеруімен күресті халықаралық деңгейде күшейту туралы келісімді бекітуге кіріскен еді.