Зеленский АҚШ делегациясымен кездесті

Украина президенті АҚШ-тың жаңа бейбіт жоспары бойынша жұмыс істейтінін мәлімдеді. Владимир Зеленский бұл туралы Киевте Пентагон өкілдерімен кездесуде айтты. Ол әзірге өткір мәлімдемелер жасамайтынын, тек нақты, адал жұмыс істеуге ниетті екенін жеткізді. Украина президентінің айтуынша, елдің егемендігіне нұқсан келтірмейтін және Ресейдің елге қайта басып кіруіне жол бермейтін бейбіт жоспар қажет. Зеленский жақын арада АҚШ президенті Дональд Трамппен сөйлесетінін де айтты. Ақ үй болса, 28 пункттен тұратын жаңа жоспар Украина үшін де, Ресей үшін де тиімді болуы қажет деп мәлімдеді.