Пешаварда жанкештілер өздерін өздері жарып жіберді

Бүгін Пәкістанда үш жанкешті әскерилердің штаб-пәтеріне шабуыл жасады. Соңғы мәліметке қарағанда, үш адам қаза тауып, бесеуі жараланған. Оқиға Пешавар қаласында болды. Жергілікті полицияның мәлімдеуінше, бір лаңкес негізгі қақпаның алдында бомбаны іске қосқаннан кейін қалған екеуі мекеменің ішіне енген. Әзірге ешқандай қарулы топ мойнына жауапкершілік алған жоқ. Бірақ өткен айда Пәкістан мен Ауғанстан күштері шекарада қақтығысқаннан кейін аймақта осындай шабуылдар жиілеп кетті. Пәкістан сол оқиғалар үшін ауған тәліптерін айыптады. Алайда Кабул тағылған кінәні мойындамай отыр.