2026 жылы МӘМС жарнасы жұмыссыздар үшін төленеді

Жаңа жылдан бастап МӘМС жарнасы жұмыссыздар үшін де төленеді. Яғни жұмыс істемесеңіз де, ауруханаға тегін қарала аласыз. Қазір  қазақстандықтардың шамамен 60%-ы МӘМС жүйесінде жеңілдік санатына кіреді. Яғни олар үшін жарнаны мемлекет төлейді. Ал 3,5 миллионға жуық адам, бұл шамамен халықтың 18 пайызға жуығы МӘМС жүйесінде жоқ. Олардың шамамен 1 млн-ының әлеуметтік жағдайы дағдарыстық және шұғыл деңгей деп танылған. Енді олар да тегін медициналық көмекке жүгіне алады. Жалпы, 2026 жылы МӘМС жүйесіне шамамен 45 млрд теңгеден аса қаражат түседі. Оның 30 млрд теңгеден астамы – әлеуметтік осал топтағы азаматтар, 15 млрд теңгесі жұмыссыздар үшін аударылатын жарналар.