Оралда күзетшілер алаяқтардың алдын ораған

Оралда сауда орталығының сатушылары мен күзет қызметкерлері алаяқтарға ақша аудармақ болған тұрғындарды райынан қайтарды. Осылайша алданудың алдын алуға сеп болды. Полиция мәліметінше, сатушы телефонмен сөйлесе жүріп, бірнеше рет терминалға жақындаған қызды байқайды. Біреудің айтқанымен, ақша аудармақ болғанына күдіктенген сатушы бірден күзет қызметкерін шақырады. Дәл сондай оқиға тағы бір рет тіркеледі. Бұл жолы күзет қызметкері қырағылық танытып, ақша жіберу әрекетін тоқтатады. Егер сатушы мен күзетшілер араласпағанда, шығын 8 млн теңге болар еді. Полиция департаментінің өкілдері тұрғындарға көмектескен сауда орталығының қызметкерлеріне алғыс білдіріп, құрмет көрсетті. Жыл басынан бері 416 алаяқтық қылмыс дерегі тіркелген.

Банкоматқа ақша салып жатқан уақытта сыртынан қалағалап, бақылап жүреміз. 500 мыңнан артық салған адамдарды күдікке аламыз. Сол жөнінде өзіміздің басшылыққа хабар беріп, сол уақытта алаяқтардың жолын кесуге өз үлесімізді қостық деп есептеймін.