Президент Г.Головкинді І-дәрежелі «Барыс» орденімен марапаттады

Мемлекет басшысы бүгін World Boxing халықаралық федерациясының президенті Геннадий Головкинді қабылдады. Әйгілі спортшыны жаңа қызметімен құттықтап, World Boxing ұйымын басқару үлкен жауапкершілік екенін атап өтті. «Сіз – дүниежүзілік деңгейдегі спорттық құрылымды басқарып отырған алғашқы қазақстандықсыз. Есіміңіз тариха алтын әріппен жазылатынына еш күмән жоқ, - деді Қасым-Жомарт Тоқаев. Кездесу соңында Президент отандық спортты дамытуға қосқан зор үлесі үшін Геннадий Головкинді І-дәрежелі «Барыс» орденімен марапаттады. Ал GGG көрсетілген қолдау үшін алғыс айтып, бокстың елде және әлемдік аренада дамуына үлес қоса беретінін жеткізді.