Ұлттық ұланнның 400 сарбазы білім грантына ие болды

Ұлттық ұланда әскери борышын өтеп жатқан 400 жауынгер жоғары оқу орнында тегін білім алады. «Сарбаз 2.0» республикалық бағдарламасы аясында жастарға осындай мүмкіндік беріліп отыр.

Жалпы қорғаныс саласы мен жоғары оқу орындары арасында 2023 жылы серіктестік орнаған. Соның шеңберінде, биыл ұландықтарға жалпы саны 1300-ге жуық білім гранты бөлінді. Келісімге сәйкес жауынгерлік дайындық, тәртіп және арнайы тапсырмаларды орындау кезінде үздік нәтиже көрсеткендер мемлекеттік білім гранттарын иеленеді. Бұған қоса байқау жеңімпаздарына шәкіртақы, жатақханада тегін тұру және әскери кафедраға конкурстан тыс қабылдану құқығы беріледі.

Сұңғат Шәмші, грант иегері:

Осы әскерде қызмет еткен бір жыл ішінде тек әскери билет қана алып қоймай, университетте тегін оқуға грант ұтып алдым. Осындай бізге мүмкіндіктер сыйлаған ҰҰ бас қолбасшылығына үлкен рахмет айтамыз. Әскерге келіңіздер!