Түркістанда «Zandy kúlki» жайдарман ойындары өтті

Түркістанда «Заң мен тәртіп» жобасы аясында республикалық «Zandy kúlki» жайдарман ойындары өтті.

Еліміздің Қаржылық мониторинг агенттігі ұйымдастырған ойында республиканың әр өңірінен іріктелген 12 команда өнер көрсетті. Жас таланттарды таныту мен шығармашылық қабілеттерін шыңдау үшін ұйымдастырылған өнер сайысында командалар әзілінің мазмұны мен тақырыптың өзектілігі бағаланды. Қазылар команда мүшелерінің кәсібилікке ұмтылысы мен шығармашылық ерекшеліктерін жоғары бағалады. Жеңімпаздарға Қазақстан Республикасы Қаржылық мониторинг агенттігі төрағасының кубогі табысталды.

Ернар Тайжан, ҚР ҚМА ресми өкілі:

Көбіне жастар алаяқтыққа ұрынып, түрлі қаржы пирамидалары, дропперлік, осы сынды қаржы алаяқтарының құрбанына айналып отыр. Сол себепті аталған құқықбұзушылықтарды, жалпы аляқтықпен күрес жұмысын жүйелі жүргізу үшін жастардың тілімен, яғни аталған дүниелерді жеткізу үшін біз осындай бір жастар сүйіп көретін көңілді тапқырлар алаңын қолдап отырмыз.