Президент Ұжымдық қауіпсіздік кеңесінің отырысына қатысу үшін Бішкекке барды

Мемлекет басшысы Ұжымдық қауіпсіздік туралы шарт ұйымының Ұжымдық қауіпсіздік кеңесінің отырысына қатысу үшін Бішкекке барды. Қасым-Жомарт Тоқаевты Манас әуежайында Қырғызстан Министрлер кабинетінің төрағасы – Қырғызстан Президенті Әкімшілігінің басшысы Адылбек Қасымалиев қарсы алды. Сондай-ақ қырғыз өнерпаздары мәртебелі мейманның құрметіне «Отаным менің Қазақстаным» әнін орындап берді.

Мұнан соң мемлекеттер басшылары «Ала-Арча» резиденциясында бейресми кездесу өткізді. Резиденциядағы «Кыргыз айылы» этнографиялық кешенінде мәртебелі меймандарға қырғыз халқының тұрмыс-салты мен мәдениеті таныстырылды.