Елімізде автонесиеге сұраныс артты

Қазақстандықтар ипотекаға қарағанда автонесиені көбірек рәсімдейтін болыпты. Ұлттық банк осындай статистика жариялады. Оған қаржы ұйымдарының қарыз беру шарттарын өзгертіп, мақұлдау мүмкіндігінің төмендеуі себеп болған. Мәселен, биылғы жылдың үшінші тоқсанында 288 мың азамат ипотека рәсімдеуге өтініш берген. Өсім 19 пайыз. Қарыздың орташа сомасы да 21 пайызға өскен. Алайда мақұлданған өтініштердің саны 23 пайызға азайыпты. Ал көлік алу үшін несие рәсімдегісі келгендердің саны 1,5 млн-нан асады. Өтініштердің орташа құны 5 пайызға арзандаса, мақұлданған несие саны 17 пайызға азайған.