Түркістан облысында 7 адамға иіс тиді

Түркістан облысында бір отбасыдағы 7 адамға иіс тиіп, уланды. Оқыс оқиға Сарыағаш ауданына қарасты Ақжар ауылындағы үйлердің бірінде тіркелген. Өңірдің төтенше жағдайлар қызметінің мәліметінше, үйдегі пештің ақауы болған. Пешке тасталған заттар мен көмір түтіні үй ішіне тарап, тұрғындар уланған. Үйде 7 адам тұрып жатқан, олардың бесеуі бала. Зардап шеккендердің барлығы ауруханаға жеткізіліп, алғашқы медициналық көмек көрсетілген. Көп ұзамай үйлеріне қайтарылды. Өрт қауіпсіздігі талаптарын бұзғаны үшін үй иесі әкімшілік жауапқа тартылды.