Әрбір төртінші адам қайырым қорларына сенбейді

Әрбір төртінші қазақстандық қайырымдылық қорларының жұмысына сенбейді. Ал әрбір екінші азамат таңдаулы қорлар мен қайырымдылық жасайтын адамдарға сенім білдірген. Sarap сарапшылар клубының жүргізген зерттеу нәтижесі осындай. Мамандар отбасы құндылықтарына қатысты да талдау жүргізген. Оның қорытындысы бойынша отандастарымыздың басым бөлігі бала тәрбиесі мен отбасындағы тыныштыққа ерекше көңіл бөледі. Бір жылдық жұмыстарын қорытындылаған сарапшылар осындай зерттеу нәтижелерін саяси-әлеуметтік шешімдер қабылдап, түрлі реформалар жүргізген кезде ескеру керек дейді.

Әрбір министрліктің өкілінің саласына байланысты, жұмысына байланысты тиісті ұсыныстар беріледі. Сонымен қатар аймақта болып жатқан мәселелер болса әкімшіліктерге тиісті қорытынды сараптама жасалып, әкімшіліктерге ұсыныстар беріледі. Одан кейін орталық органдарға ұсыныстар беріле отырып, олар біздің Сарап эксперттік клубында қабылданған, талқыланған мәселелерді өздерінің жұмысына алатын болады.