Қырғыз делегациясы Қазақстанның озық тәжірибесін үйренуде

Қазақстан мен Қырғызстан арасындағы байланыс тағы да нығая түсті. Алматыға Қырғыз Республикасы Министрлер кабинеті төрағасының орынбасары Эдиль Байсалов бастаған делегация келді. Сапардың негізгі мақсаты - елімізден түрлі салалар бойынша тәжірибе жинақтау. Бішкек өкілдері білім беру және медицина нысандарын аралап, ондағы жұмыс барысымен танысты. Сондай-ақ Қазақстандағы жастар саясаты мен креативті индустрия саласы бойынша да тәжірибе алмасты. Мамандардың айтуынша, бұл кездесудің қос тарапқа да пайдасы зор.

Гүлісхан Нақбаева, «Жастар» ғылыми-зерттеу орталығының директоры:

Креативті кәсіпкерлермен жұмыс жасағысы келеді. Сондықтан біздің де арнайы өкілдеріміз Қырғызстанға барып келеді. Себебі, креативті индустрия - ол кәсіпкерлік. Шығармашыл жобаларды халықаралық дәрежеге шығару ол - басты мақсатымыз.