Шағын бизнеске 200 млн теңгеге дейін несие беріледі

Шағын бизнеске 200 млн теңгеге дейін несие беріледі. Ал оның 40 пайызын «Даму» қоры субсидиялайды. Бұл жөнінде орталық коммуникациялар қызметінде өткен брифингте мәлім болды. Несиенің пайыздық үстемақысы 22 пайыз. Ал субсидиялау мерзімі 3 жыл. Тиімділігі жоғары қаржы өндіріс, медицина, білім беру, көлік, туризм саласындағы кәсіпкерлерге беріледі. 

Талғат Смагұлов, «Даму» кәсіпкерлікті дамыту қоры» АҚ басқарма төрағасының орынбасары:

Шағын және микробизнеске ғана арналған. Несие көлемі 200 млн теңгеден аспауы керек. Келесі аптаның басында осы бағдарламаны жариялаймыз. Яғни, кәсіпкерлер өздерінің ұсыныстарын беріп, банктер арқылы бағдарламаға қатысуға мүмкіндік туады.