Сенаторлар мектептердегі білім сапасымен танысты

Сенат төрағасы және палата депутаттары Мемлекет басшысы берген тапсырмалардың орындалуына мониторинг жүргізу аясында елордадағы бірқатар мектептің қызметімен және инфрақұрылымымен танысты. Жоғары палата өкілдері мамандандырылған кабинеттерді көріп, IT-зертханалар және кітапханалар мен спорт залдарды аралады. Сондай-ақ педагогтармен білім және ғылым саласын дамытудың өзекті мәселелерін талқылады. Мәулен Әшімбаев білім беру тәрбиемен қатар жүретін үдеріс екеніне назар аударды. Ол қазіргі таңда озық технологиялардың қарқынды дамуын тілге тиек етіп, бұл жағдайда жас ұрпақтың бойына дұрыс құндылықтарды сіңірудің маңызды екенін атап өтті.