Арнаулы салық режиміне жатқызылған кәсіпкерлер салықтан босатылады

Енді шаштараз, такси жүргізушісі сияқты қарапайым мамандар табысының 4 пайызын әлеуметтік төлем ретінде аударып, заңды жұмыс істей алады. Ол үшін жеке кәсіпкер ретінде тіркелудің де қажеті жоқ. Осылайша жаңа салық кодексіндегі арнаулы режим есеп-қисаптағы бюрократияны азайтады. Үкімет бұл режимге жатқызылатын 40 түрлі қызметтің тізімін бекіткен. Негізгі шарт олардың табысы айына 1 млн 250 мың теңгеден аспауы тиіс. Кәсіпкерлер салық төлемейді. Есесіне табысының 4 пайызын, МӘМС, зейнетақы қоры сияқты әлеуметтік төлемдерге аударып отырады. Тұтынушыларына чек беруге де міндеттелмейді.